कविता , अशीही !

आज मी म्हणतोय पुन्हा कविता लिहू
पहिल्यासारखी एकदा परत जमते का पाहू

लेखणी हातात घेऊन फार काळ लोटला होता
हाती तिला पाहून हातालाही कंप सुटला होता

बाह्या सरसावल्या अन हातात लेखणी घेतली
पण कवितेची tube माझी जरा उशिराच पेटली

धीर थोडा धरला आणि वही माझी उचलली
धुळाने माखलेली,अलगद वरची धूळ मी झटकली

प्रेमकविता विरह गीत हे तर विषय सारे जुने
विडंबन, निसर्ग कविता करावी का निमूटपणे

आता मात्र मनाची पुरतीच चलबिचल झाली
कवितेच्या विचाराने माझी झोप चांगली उडाली


कविता आता होईना, झाली अंगाची लाही लाही
अन मनातली कविता  पानावर उतरलीच नाही

यमक, शब्द, भाव यात माझी भलतीच वाताहत झाली
हीच चलबिचल अखेर आपसूक कवितेत कैद झाली ... !!